NATIONAL News — Eubus eon nga naging laye ro “Vape Bill” ukon proposisyon nga naga-regulate sa paggamit it vape sa nasyon.
Raya hay matapos nga mag-lapsed into law kahapon, July 25 kat owa mapirmahan makataliwan ro 30 diyas umpisa nga ginpadaea raya sa Malakanyang.
Raya ro ginkumpirma ni Press Secretary Trixie Cruz-Angeles nga ginpadaea eon Atty. Vic Rodriguez sa Senado ag Kamara ro kopya it laye nga naga-regulate sa importasyon, manufacturing, pagbaligya, packaging, distribution ag paggamit it vaporal nicotine ag non-nicotine products.
Sa idaeum it laye, ginataw-an it gahum ro Department of Trade and Industry (DTI) nga magtaeana it technical standards para sa eowas, consistency ag kalidad it vape products.
Nakabaehag pa sa laye nga 18 anyos pataas ro pagapasugtan nga maggamit ukon magbakae it nasambit nga produkto.
