Hugut nga ginpaandaman it Vatican ro Society of St. Pius X, sangka breakaway Catholic group nga nakabase sa Switzerland ag tampad sa dati nga Latin mass, nga posible sandang magapangatubang sa ‘excommunication’ kon pagapadayunon nanda ro plano nga mag-ordain it mga bag-o nga obispo nga owa it pahanugot halin kay Pope Leo.
Suno sa doctrinal office it Vatican, ro nasambit man nga ordination it mga obispo nga owa it “papal consent” hay ginakabig nga paghimo it sangka ‘schism’ ukon pormal nga pagbueag sa Santo Papa.
Ginpahayag ni Cardinal Victor Fernandez nga raya hay sangka “grave offense against God” ag direkta nga pag-eabag sa laye nga gindihon it Simbahan.
Ro Society of St. Pius X hay kilaea sa pagpamalibad sa mga ginaturo it Second Vatican Council partikular eon ro pagbag-o sa lengguwahe nga ginagamit sa misa halin sa Latin paagto sa lokal nga lenggwahe.
Bukon it raya ro unang kahigayunan nga nakaangkon it gulo sa tunga it Vatican ag ko nasambit nga grupo, kun sa siin, na-excommunicate ro founder kara nga si Archbishop Marcel Lefebvre ko 1988 matapos mag-ordain it ap-at nga obispo nga owa it pahanugot ni Pope John Paul II.
