Kalibo Aklan ——-Ginkaguluhan sa Caticlan Jetty Port si Vice Ganda makatapos masipeatan nga nagapagguwa it building paadto sa baroto nga imaw ro anang pagasakyan patabok sa Isla it Boracay.
Malipayon nga nakipagselfie si Vice ukon Jose Marie Borja Viceral sa matood nga kabuhi sa mga nakaibahan kara sa jetty port.
Kaibahan nga nagbaskyon it comedian-TV host ro anang mga maeapit nga barkada ag magapabilin pa ro mga raya it pilang adlaw sa Boracay.
Madumduman nga ko mga nagtaliwan nga adlaw hay maabong mga local celebrities ro nagbisita sa Boracay agud nga magbakasyon.
Sambilog eun kara ro masadya nga bonding it Kramer ag Garcia family sa andang pinakaunang bakasyon sa tunga it pandemya.
Makarun nga nagahieapit eun lang ro kapaskwahan, ginaeuman nga amat-amat nga magataas ro numero it mga turista nga magabisita sa Boracay.
Base sa datos it Malay Municipal Tourism Office, nag-abot eun sa 1,646 ro numero it mga tourist arrivals sa unang 5 adlaw pa eamang it buean it Disyembre.
