Gintawag ni Vice President Sara Duterte ro anang ama nga si dating Pangueong Rodrigo Duterte bilang “dramatic actor”.
Raya hay matapos ro pagtambong it dating presidente sa House quad-committee nga naga-imbestiga sa war on drugs.
Gintaw-an pa nana it rating ro anang ama nga 12 out 10 bangud sa pagiging “best dramatic actor”.
Paathag pa it bise presidente nga rason it anang pag-adto sa House of Representatives para tan-awon ag kumbinsihon ro anang ama kon pwede maghalin eon bangud sa anang ikamayad nga eawas.
Masami nga uwa nagapamati ro dating presidente sa anang mga kaibahan ag imaw mismo ro ginpatawag para sampiton ro anang ama.
Nauna eon nga ginpahayag it bise presidente nga uwa eon nana ginaeauman pa nga makaangkon it patas nga imbestigasyon ro ginahimo makaron it mga una sa Quad Committee.
