Personal nga nagbisita kahapon nga adlaw sa probinsya it Aklan si Vice President Sara Carpio Duterte para magpasaeamat sa mga suporta it Aklanon kana ko nagtaliwan nga eleksyon.
Sa ginpatigayon nga meet and greet and welcome party sa mga miyembro it UniTeam Kalibo sa may Aklan Training Center hay pormal karang ginpaabot ro anang pagpasaeamat ag pagplastar sa pilang ka mga programa it anang opisina.
Ginpasiguro man kara nga kung anuman ro anang mga ginpromisa sa anang kampanya hay igapatuman nana bilang bise presidente.
Kaibahan sa mga ginplastar karang programa nga ginatutukan it andang administrasyon hay ro pagtugyan it trabaho ag pabakuron pa ro kalinong ag negosyo sa nasyon.
Sa pihak nga parte, personal man karang ginsaksihan ro kaugalingon nga bersyon it Ibajay Ati-Atihan Festival sa banwa it Ibajay, Aklan.
Kung siin, sambilog imaw sa mga naging hurado sa ginpatigayon nga kompetisyon nga kaparte it nasambit nga kapistahan.
Samtang, owa man ginpaeagpas ni Vice President Sara Duterte ro pagbisita sa tanyag nga simbahan it nasambit nga banwa
