Uwa it plano si Vice President Sara Duterte nga maghalin it nasyon ukon magpanago kon engkasong magpaguwa it warrant of arrest ro mga otoridad kana.
May kaangtanan raya sa naging paeag nana kay Pangueong Ferdinand Marcos Jr. nga ginaimbestigahan makaron it National Bureau of Investigation (NBI).
Dugang pa kara nga iya sa nasyon ro anang mga onga ag kon engkasong imaw hay makulong, makit-an gihapon kara ro anang mga onga.
Ginapahauman eon nana ro anumang worst-case scenarios kapin eon ag ginaeauman nga magapangatubang raya sa nagkaeain-eain nga reklamo mag-eowas pa sa impeachment.
Madumduman nga uwa eon nagtambong ro bise presidente sa ginpatawag nga imbestigasyon it NBI bangud sa sayod sigon kara nga uwa eon imaw it mabueo nga patas nga pagtrato.
