Ginpahayag ni Vice President Sara Duterte nga bukon it bangud sa kahinaan ro anang pagresign bilang sekretarya it Department of Education kundi bilang malasakit sa mga manugturo ag estudyante.
Raya ro gin-insister it Bise Presidente matapos kumpirmahon ro anang pagresign sa cabinet position matapos ro daywang dag-on nga pagpanerbisyo.
Ginpasa kara ro anang resignation kay Pangueong Ferdinand Marcos Jr. nga gilayon man nana nga ginbaton.
Raya hay matapos ro 30 diyas nga notice para sa maayos nga pagsaylo it posisyon sa masunod nga opisyal it department of education.
Ginpahayag dugang it bise presidente nga maskin bukon eon it imaw ro nagatindog nga opisyal it edukasyon, magapabilin gihapon raya nga nakasubaybay ag magatindog sa kapakanan it mga manugturo ag estudyante sa nasyon.
Angot kara, ginpasaeamatan ni Duterte ro mga partner agencies sa gobyerno, mga lokal nga gobyerno, private sector partners ag anang ginakabig nga pamilya sa Department of Education.
