NATIONAL News—Ginpasiguro ni Vice President ag Education Secretary Sara Duterte sa stakeholders nga indi maapektuhan ro pag-eskwela it mga estudyante sa pampublikong eskwelahan sa amat-amat nga pagbalik it dating school calendar.
Suno kana, may-una nga ginahimo nga maeapnagong konsultasyon antes pa man gin-anunsiyo ro pinatag-od nga break para sa presenteng school year.
Ginpaathag dugang nga maskin ginpatag-od ro adlaw it sueod it mga estudyante ag bukon it daywang buean ro break it mga raya antes mag-umpisa ro school year 2024-2025, minimal eamang sigon ro diperensiya kara.
Ginaeauman it Department of Education nga base sa presenteng adjustments sa school calendar, magabuhay pa hasta sa School Year 2027-2028 para magtapos ro school year sa Marso.
Posible mat-a ro pagbukas it klase para sa School Year 2028-2029 hay maitaeana eon sa June 5, 2028.
