Plantsado eon ro pagahimuon nga victory parade it Boston Celtics matapos nga maangkon it mga raya ro andang ika-18th championship kat pyerdihon ro Dallas Mavericks.
Suno kay Boston Mayor Michelle Wu nga igapatigayon sa adlaw it Sabado oras sa Pilipinas ro nasambit nga victory parade.
Maga-umpisa sigon ro parada sa home court it koponan sa TD Garden ag magalibot sa pilang parte it Boston kaparehas it Causeway Street, City Hall Plaza, Boston Common ag magatapos sa Hynes Convention Center.
Ginapahauman it Boston government ro nasambit nga parada eabi eon ag ginaeauman nanda ro tuman kainit it panyempo.
Uwa man ginsambit kon sin-o ro magatambong nga celebrities ag mga dating NBA ukon atleta sa nasambit nga parada.
Madumdumang ginpatumba it Celtics ro Mavericks sa Game 5 Finals sa mismong homecrowd it Boston.
Sa nasambit nga pagdaog hay gintapos eon it Celtics ro mabuhay eon nga pagiging patas nanda it Los Angeles Lakers sa may pinakamaabong championship sa kasaysayan it NBA.
Ginkilaea si Jaylen Brown bilang Bill Russell NBA Finals Most Valuable Player award matapos ro hampang.
