-- ADVERTISEMENT --
KALIBO, Aklan–Humakot it linibo nga mga views ag nagkaeain-eain nga reaksyon halin sa mga netizen ro uploaded video sa Facebook it sangka Aklanon content creator.
Suno kay Juvielito Yabut Gallardo, sangka content creator nga pilang oras matapos nana nga i-upload ro video angot sa sangka kooperatiba sa Aklan hay umabot eon sa masobra 10,000 ro anang views.
Sa pagtaliwan sigon it mga inadlaw hay mas pa rayang nagtaas ag makaron hay naga-abot eon sa 113,000 views.
Sa pag-istorya ni Gallardo, ginataw-an eamang nana it kabuhi ro mga ordinaryong senaryo nga nagakatabo sa palibot.
Gusto eamang sigon nana nga maghatod it kasadyahan sa mga tumaean-aw rason nga naga-isip imaw it mga content nga makabueo-bueo apang may kamatuoran.
-- ADVERTISEMENT --
