Nagapabilin ro Pilipinas nga pinakamabahoe nga importer it bugas halin sa Vietnam umpisa Enero hasta Setyembre it makaron nga dag-on suno sa Vietnamese government.
Nakabaton ro nasyon it 2.47 million metric tons it bugas halin sa Vietnam nga nagabalor it kapin sa $1.14 billion dollars.
Nakalista ro Pilipinas it kapin sa 43.9% nga kabilugan nga export it bugas halin sa Vietnam sa nasambit nga tiempo nga 35.3% nga mas mataas ro volume ag 22.2% sa kantidad kumpara ko 2022.
Ro nasambit nga numero hay nagakasinanto sa estimate it Bureau of Plant Industry nga 2.5 million metric tons nga bugas halin sa Vietnam hasta ko Setyembre.
Ro total rice imports halin sa Vietnam sa unang siyam nga buean it 2022 hay nag-eampas sa full-year total nga 2.4 million metric tons ko 2021.
Kasunod it Vietnam, ro Myanmar ro masunod nga pinakamabahoe nga source it bugas para sa Pilipinas ag nagapangatlo ro Thailand.
