Gin anusyo it Vietnamese state media ro pag-atake nga natabo sigon sa sangka Vietnamese fishing boat samtang raya hay sa bisinidad it West Philippine Sea.
Base sa report, 10 crew it mismong bangka ro nasakit; tatlo kanda hay nabalian it mga alima ag siki.
Nagaguwa sa report nga nagaeayag ro mismong bangka maeapit sa Paracel Islands kat matabo ro pag-atake.
Uwa pa masayuri kung sin-o ro may kahimuan sa mismong pag-atake.
Ro Paracel Islands hay may eayo nga 400km halin sa east it Vietnam.
Kapareho man ro distansiya kara halin sa pinakamaeapit nga baybayon it China.
Ro daywang ka nasyon hay parehas nga may claims sa mismong maritime feature apang ro China ro may kontrol kara.
Uwa pa it ginpaguwa nga opisyal nga pahayag ro Vietnam ag China angot sa insidente.
Ro mismong maritime feature hay dati nga gina-awayan it daywang ka nasyon kung siin ko 1970’s hay nag angkon it naval conflict sa tunga it mga raya nga nangin daean para deritso raya nga maangkon it China.
May una nga maintok nga pwerto ro China sa mismong lugar, kaibahan eon ro pilang ka mga building, helipad, ag radar.
