KALIBO, Aklan — Naagaw it hugot nga karibal nga Vikings Tribe it Dumga, Makato, Aklan ro kampeonato sa defending champion nga Black Beauty Boys nga Linabuan Norte, Kalibo sa Tribal Big category it Sadsad Ati-Atihan Street Dancing contest sa makulor ag bonggang Kalibo Sto. Nino Ati-Atihan Festival 2018.
Nagsalig ro Black Beauty Boys nga sanda sa gihapon ro gin deklarang kampeon sa ika-waeong sunod-sunod nga kahigayunan, apang, napaseawan ro nasambitang grupo.
Bangud sa hataw nga performance it kapin sa 80 street dancers it Vikings Tribe suksok ro andang makulor nga costume hay napa-bilib kara ro mga judges sa waeong judging areas.
Sa pihak it mauean nga paniempuhon ku nagtaliwan nga adlaw it Sabado, Enero 20 sa judging day, bisperas it kapistahan ni Sr. Sto Nino de Kalibo, padayun sa gihapon ro paghataw it 28 nga tribu ag grupo sa magkaeain-eain nga kategorya nga gina eakipan it Balik Ati, Tribal Big ag Tribal Small kamana man ro modern group.
Raya ro kauna-unahang kahigayunan nga nag-kampeon ro Vikings Tribe nga nagbaton it trophy ag cash prize nga P200,000.
Ro iba pang nag daug hay ro Tribu Alibangbang nga third place ag Black Beauty Boys nga second place.
