-- ADVERTISEMENT --
KALIBO, Aklan — Kadungan it selebrasyon it Araw ng Kalayaan, ginsurender ro sangka vintage nga shotgun sa Kalibo Municipal Police Station.
Base sa report, nakipag-angot sa pulisya ro igbata it nagapanag-iya it baril agud nga i-surender ro 12 gauge shotgun nga may habang masobra sa ap-at nga talampakan (4feet).
Ginapatihan nga gingamit pa raya ko tiempo it Giyera Mundiyal Numero Dos nga himo halin sa Minnesota, USA.
Nahadlok sigon ro pamilya nga posible sanda nga maaresto bangud nga bukon it lisensiyado ro baril.
Ginpadumdum pa it pulisya nga kon bukon it lisensiyado ro ginpamana ukon nabo-oe nga baril, isurender eagi raya sa mga otoridad.
-- ADVERTISEMENT --
