National News———-Ginkumpirma ni Defense Secretary Delfin Lorenzana nga “Back on track” eun ro Visiting Forces Ageeement (VFA) sa tunga it Estados Unidos ag Pilipinas.
Ro pahayag hay ginhimo kahapon sa sangka Joint Press Conference sa Camp Aguindaldo kaibahan ro nagbisitang US Secretary of Defense Lloyd Austin.
Suno kay Lorenzana nga ro desisyon nga ipadayun ro VFA hay ginhimo it Pangueo matapos ro andang pag-istorya ni Sec. Austin.
Madumduman nga ko Pebrero 2020, Pormal nga ginpahayag it Pangueo nga pagatapuson eun ro VFA nga magiging epektibo an-om nga buean umpisa ko rato nga tiyempo.
Apang ko Hunyo 2020, gin-extend it gobyerno it an-om nga buean ro pagpatuman kara ag uman nga ginpaeawig it dugang nga an-om nga buean ko Nobyembre.
Owa man kasaayod si Lorenzana it rason ni Pangueong Rodrigo Duterte sa pagbalik it Visiting Forces Agreement it Pilipinas sa Estados Unidos.
Sa pueong kaibahan si US Defense Secretary Lloyd Austin, ginpahayag ni Lorenzana nga nagkaangkon it termination letter nga ginpadaea ro Pilipinas sa US apang raya hay ginbawi.
Dugang pa kara nga posibleng nakumbinsi ro Pangueo sa importansiya it VFA bangud ginatrabaho it Department for Foreign Affairs ro nasambitan nga butang.
