POLICE Report — Binawian it anang hueam nga kinabuhi ro sangka content creator matapos mabalian it toe-an samtang nagapa-chiropractic adjustment session bangud sa grabeng sakit kara sa anang likod ko buean it Nobyembre it nagtaliwan nga dag-on sa Misamis Oriental.
Gin-eubong eon ko adlaw it Miyerkules, Enero 29, 2025 si Leobart Yurong, 38, matapos maka-eksperyensiya it grabeng pagsakit it anang likod ag indi eon makatikang matapos nga magpaidaeum sa chiropractic session sa andang lugar.
Base sa viral video nga gin-post ni Yurong sa anang social media page, makita ro gin-obra kana it gina-alegar nga “chiropractor” nga haeos nagatunog ro anang mga toe-an sa tunga it session.
Sa grabeng sakit, nagpa-confine eon sa ospital si Yurong ag nagtuhaw sa eksaminasyon nga nabalian imaw it toe-an sa anang tuo nga parte it anang balakang.
Nagapati man ro igmanghud ni Yurong nga si Nancy Taping, nga nakaangkon it komplikasyon ro mga bali sa eawas it anang igmanghud hasta nga raya hay nag-grabe nga naging rason it anang kamatayon.
Hustisya man ro ginasinggitan it pamilya Yurong ag plano nanda nga magpasaka it kaso kontra sa ginasugid nga chiropractor.
