BUSINESS News — Pursigido ro German vehicle manufacturer nga Volkswagen nga angkunon ro top spot it global electric car market sa automotive industry.
Plano it Volkswagen nga eubusan eon nga aywan ro tipikal nga internal combustion engine ag i-phase out ro tanan nanda nga mga gasoline powered vehicles sa sueod it masunod nga dekada ag halin kara hay gusto eon lang it kumpanya nga magbaligya it mga electric cars.
Suno pa sa German vehicle manufacturer, haum sanda nga gumastos it masobra sa 7 billion dollars sa masunod nga limang dag-on agud nga ma-boost ro andang “research and development, ag manufacturing capabilities”, para maabot ro target kara nga mag-focus eon lang sa pagbaligya it mga saeakyang may electrical powered engine.
Ro Volkswagen nga sangka German motor vehicle manufacturer hay nahamtang sa Wolfsburg, Lower Saxony, Germany.
Gintukod ko 1937 it German Labour Front, nga sikat sa andang iconic Beetle.
Raya ro ginakilaea nga flagship brand it Volkswagen Group ag ginakabig nga “largest car maker by worldwide sales” ko 2016 ag 2017.
