KALIBO, Aklan—Nagiging prominenteng isyu ro vote buying kada may eleksyon sa nasyon.
Suno kay dating sangguniang panlalawigan member Atty. Harry Sucgang ag sangka political analysts nga ro pagpamakae it boto hay makabig nga krimen nga masyadong mabudlay nga pamatud-an rason nga maisot ro tsansang may mapenahan sa korte.
Gindugang pa ni Atty. Sucgang nga sangka mabahoe nga saea ro vote buying ag vote selling, apang medyu naging kaparte eon raya it tradisyon kada may eleksyon sa nasyon.
Sambilog sa posibleng mga rason kon ham-an nga ginasakdag ro vote buying hay bangud sa kapigaduhon.
Kaabuan sigon sa mga Pilipino hay nagapang-eakman.
Posible suno kana nga maduea eamang ro vote buying ag vote selling kon ro mismong mga tawo ro magabag-o.
Rason nga sambilog imaw sa mga nagasuporta sa ginaduso nga maeakip ro voter education sa k to 12 curriculum.
Laygay kara sa mga botante sa maabot nga eleksyon nga barangay ag sangguniang kabataan nga batunon ro ginatau nga kwarta, apang dapat nga magpangibabaw kon ano ro ginadikta it konsensiya.