KALIBO, Aklan—Kasunod it panawagan nga extension pa it voter registration, ginkumpirma it Commission on Elections ukon Comelec-Aklan nga oras eamang ro ginpasugtan it komisyon nga pagapaeawigon hasta nga raya hay matapos sa September 30,2021.
Suno kay Crispin Raymund Gerardo, tagapaghambae it Comelec-Aklan ag New Washington election officer nga indi sigon pagapasugtan ro extension it voters registration bangud maapektuhan ro timeline it andang preparasyon para sa 2022 national ag local elections kamana man ro pagkabaeaka sa ikamayad nga eawas ag kaeowasan it publiko ag mga tawuhan it komisyon.
Bangud kara, ginpasugtan eon lang ro extension it oras it umpisa alas-8 it agahon hasta alas-7 it gabi-i kamana man ro pagbukas it opisina kada Sabado at holidays umpisa it alas-8 it agahon hasta alas-5 it hapon para sa nabilin nga adlaw it voter registration.
Suno kay Gerardo nga kabay nga makabalik eon kita sa GCQ ukon general community quarantine sa katapusan it Agosto agud nga makabalik man sa normal ro andang operasyon.
Ro nasambit suno kana nga extension it oras hay para eamang sa mga lugar nga una sa idaeum it GCQ nga maga-umpisa eon sa Lunes Agosto 23.
Samtang, gina engganyo man sigon it komisyon ro mga comelec officers nga magpatigayon it satellite registration , apang may mga requirements nga kinahangean nga masunod.
Ro filing it certificate of candidacy hay maga umpisa sa Oktubre 1 hasta 8, 2021.
