Gin-anunsiyo it Commission on Elections (Comelec) nga maga-umpisa eoman it baton ro andang taeatapan it mga registration it mga botante sa buean it Hunyo ukon Hulyo dag-ong 2022.
Kasunod kara, ginpadumdum man ni Commissioner George Garcia, ro mga kawalipikadong indibdiwal nga owa pa nakaparehistro nga magparehistro eon sa pagpadayon it voter registration sa unang dominggo it Hulyo makarong dag-on.
Ginaeauman nga sa Disyembre makarong dag-on ro nakataeana nga igapatigayon ro barangay ag Sangguniang Kabataan elections.
Sandig sa datus maghalin sa Comelec, kapin sa 65.8 million Pilipino ro kabilugang nagrehistro ku nagtaliwa nga Mayo 9 elections.
Samtang,ginbalibaran man ni Garcia ro nagakalhit nga pahayag sigon it poll body nga nagamit eon kara ro pondo para sa barangay elections.
Suno kay Garcia, owa pa it gintao sa poll body nga pondo para sa barangay elections.
Dugang pa nana nga puwedi nga iberipika sa Department of Budget and Management kung siin nagapabilin sigon nga intact ro pondo para sa barangay election makaron nga dag-on.
