KALIBO, Aklan–Uman nga nag-resume makarun nga adlaw ro voter registration nga ginapatigayon it Commission on Election ukon COMELEC.
Suno kay Crispin Raymund Gerardo it COMELEC-Aklan nga puwedi euman nga makaparehistro ro mga indibidwal nga gustong makaboto para sa 2022 national and local elections umpisa makarun nga adlaw, Oktobre 11 hasta 30 umpisa Lunes hasta it Biyernes halin alas 8:00 it agahon hasta alas 5:00 it hapon.
May kaangtanan kara, uman nga nagpadumdom ro Comelec sa mga pomoeuyo nga magparehistro it temprano agud malikawan ro pagtieilipon it mga tawo sa taeatapan.
Samtang, ginpasiguro man kara nga indi maapektuhan ro andang calendar of events para sa 2022 elections apang nadugangan eamang ro andang trabaho matapos nga taw-an pa it extension ro voter’s registration.
Samtang, sa pihak nga parte, ginpahayag ni Gerardo nga naging matawhay ro kabilugan nga pagfile it Certiicate of Candidacy ukon COC sa bilog nga probinsiya it Aklan umpisa Oktobre 1 hasta 8.
Nagpasaeamat man raya sa PNP, MDRRMO, ag BFP nga nagbulig kanda para maipatuman ro health protocol partikular ro social distancing sa kabuligan nga pagpatigayon it nasambitan nga aktibidad.
