KALIBO, Aklan — Indi eon pagpaeawigon pa it Commission on Election ukon Comelec ro gintaeana nga voters registration deadline sa maabot nga Setyembre 30.
Raya hay kadungan sa panawagan it Comelec nga magparehistro nga nag-umpisa ko Agosto 1 agud nga makaboto sa maabot nga eleksyon maskin pa nga posibleng ma-postpone ro Barangay ag Sangguniang Kabataan ukon SK elections.
Suno kay Municipal Election Officer Atty. Rommel Benliro it Comelec-Kalibo nga tanan nga klase it applications hay pagabatunon nga ginaeakipan it registration, transfer it registration record, change ukon correction it entries, reactivation it registration record, inclusion it registration record ag reinstatement it pangaean sa listahan it mga botante.
Ro mga daywang beses sigon nga owa nakaboto hay pagakakason eon sa andang listahan nga naga-abot sa kapin sa 4,000 ro numero sa banwa it Kalibo.
