Nagpanindugan si House Deputy Minority Leader ag ACT Teachers Party-list Representative Antonio Tinio nga dapat ipaathag ni Vice President Sara Duterte ro indi mabalibaran nga “copy-paste” pattern sa anang Statements of Assets, Liabilities, and Net Worth ukon SALN.
Bangud kara, ginpunto ni Tinio nga magapabilin nga kuwestyonable ro kabilugan nga SALN ni Duterte partikular ko dag-on 2019 ag 2020, ag sa 2021 ag 2022 kun sa siin magkapareho ro nakadeklara nga real ag personal assets eakip eon ro personal properties.
Sa nagtaliwan nga impeachment hearing, ginkumpirma it Ombudsman nga may identical real asset declarations para sa mga dag-on 2009 hasta 2011 ag 2016 hasta 2017.
Bangud kara, ginhangkat ni Tinio si Duterte nga ipaathag it mayad ag suportahan it mga dokumento ro kaundan it anang SALN.
Suno kay Tinio, dapat magpundo sa paglikaw sa saeabton si VP Sara bangud ro Kongreso ag publiko ro nagapabilin nga nakabantay para masiguro nga magapangibabaw ro mga ebidensya, transparency ag kamaeayran it mga Pilipino sa pagduso it accountability.
