Nagdihon it petisyon sa Korte Suprema si Vice President Sara Duterte agud kontrahon ro tatlong numero it kasong grave threat nga ginpasaka it Department of Justice (DOJ) kontra kana.
Sa Petition for Certiorari and Prohibition nga may kaibahan ng aplikasyon para sa Temporary Restraining Order (TRO), ginhinyo it pangaywang pangueo nga maipawalang-bisa ro resolusyon it DOJ nga nagrekomendang pasakaan imaw it mga nasambit nga kaso.
Gusto ni Duterte nga padueaon ro bisa it resolusyon it Quezon City Regional Trial Court nga nagbasura sa anang motion to quash pati eon man ro gin-isyung warrant of arrest kontra kana.
Kaibahan man sa anang gin-eapit sa Mataas nga Hukuman ro pagpabasura ag pagpa-pugong sa prosekusyon ag korte sa Quezon City sa paghimo it anumang aksyon angot it kaso.
Ginabulgar sa petisyon ro kutana angot sa limitasyon it procedural immunity it sangka naka-pungko nga impeachable officer agud mataw-an it kaklaruhan it hukuman.
Insigida man nga ginsundan it anang kampo ro petisyon it sangka mosyon para sa madasigang pagresolba sa TRO agud indi raya maging moot and academic antes ro gintaeana nga arraignment ag pre-trial makaron nga Setyembre 11.
