Kadungan it graduation it Philippine Military Academy (PMA) “Talang Dangal” Class of 2026 sa Fort Del Pilar, Baguio City, nagpanawagan si Vice President Sara Duterte sa mga bag-ong opisyal nga ipabilin ro integridad ag kaisog sa andang serbisyo.
Ginpahayag nana nga ro andang training hay nagatau it pundasyon it disiplina ag sakripisyo nga dapat nanda nga gamiton sa pag-depensa it nasyon.
Gin-engganyo nana ro mga kadete nga maging huwaran it dungog ag dignidad, ag magpabilin nga mabakod sa atubang it anumang paeag sa soberanya it Pilipinas
Nagpasaeamat man imaw sa andang pagpili it daean sa serbisyo militar nga anang gintawag nga dungganon ag nakasentro sa kamaeayran it mga Pilipino.
Dugang pa ni Duterte, ro andang serbisyo hay pamatuod it determinasyon nga depensahan ro nasyon ag protektahan ro kahilwayan it mga pumueuyu.
Ko ulihi hay gintamyaw nana ro mga nagtapos ag andang pamilya bilang kaparte it bag-ong henerasyon it mga tagadepensa it nasyon.
