Gindeklara ni Vice-President Sara Duterte-Carpio nga kapin sa P216 million ro ananng kabilugang nagastos sa kampaniya ku nagtaliwan nga election.
Sa ginsumiteng Statement of Contributions and Expenditures (SOCE) sa Commission on Elections (Comelec), kapin sa kabilugang P216,190,935.06 ro total expenditures ni VP-elect Sara.
Sa nasambit nga numero ginakaeakipan raya it kapin sa P79,581,690.15 nga maghalin sa in-kind contributions nga nabaton maghalin ibang sources samtang P136,609,244.91 mat-a hay in-kind contributions maghalin sa anang political party.
Base man sa ginsumiteng SOCE, nakabaehag nga owa nakabaton si Sara it cash contributions maghalin sa ibang sources ukon sa anang political party.
Nauna eon nga nagdihon it SOCE ro running mate ni Duterte-Carpio nga si President-elect Ferdinand Marcos Jr kung siin may kabilugang kapin sa P623 million ro nagastos kara sa anang kampaniya.
