Ginaeauman nga magapatigayon it scheduled meeting si VP-elect Sara Duterte-Carpio kaibahan ro tanan nga dating Vice President para talakayon ro pilang mga isyu sa nasyon.
Pormal nga maga-umpisa ro termino ni VP Sara bilang bise-presidente sa Hunyo 30 kadungan it pagpanaog sa pwesto ni VP Leni Robredo.
Suno sa tagapaghambae ni VP-elect Sara nga si spokesman Reynold Munsayac owa it naka-schedule nga face to face meeting kay VP Leni Robredo antes ro Hunyo 30 apang may plano sigon nga imbitahon ro tanan nga naging VP it nasyon para sa sangka fellowship lunch.
Tuyo sigon kara nga talakayon ro isyu sa seguridad umpisa sa VPSPG ukon ro Vice Presidential Security and Protection Group ag ro “planned Vice President’s Museum.”
Ginklaro man kara nga nakadepende ro nasambit nga pueong sa interes it mga dating VP ag sa andang mga available schedule.
Samtang, engkaso man nga raya hay madayon, raya ro maging kauna-unahan nga kahigayunan nga pagpueong sa tunga nanday Robredo ag Duterte umpisa 2015.
Sa pihak nga parte, temporaryo mang pagagamiton anay ni incoming VP Sara ro Quezon City Reception House (QCRH) bilang anang temporaryong opisina samtang naga-usoy pa ro anang kampo it maging permanent residence it OVP.
