Sigeng dayaw ag pag pasaeamat kay US President Joe Biden ro nangin unang diskurso ni Vice President Kamala Harris halin it inindorso imaw ni Biden nga magbueos kana sa pagka pangueo.
Ginhambae kara nga eobus imaw nga nagapasaeamat sa nangin pagsirbi ni Biden bieang pangulo it US.
Gindungan ni Harris ro pagdiskurso sa White House sa atubang it mga atleta it US nga maga intra sa sari-saring torneo kaparehas it Olympics.
Madumdumang nagaabo pa lalo ro numero it mga presente ag dating opisyal it US ro nag-endorso kay Harris nga mangin pangueo it America.
Sa mga masunod nga adlaw hay ginasaligan nga imaw hay iindorso it Democratic Party para diritsong mangin opisyal nga pangsukoe it partido sa eleksyon nga iga kuntra kay dating pangueong Donald Trump.
