KALIBO, Aklan— Kadungan it pagbisita ni Pangueong Rodrigo Duterte sa isla it Boracay, ginaeauman man nga mag-abot makaron nga adlaw, Nobyembre 8 sa probinsya it Aklan si Vice President Leni Robredo.
Raya hay agud nga tambungan ro pagtililipon it grupong Ugyon Pamatan-on kon siin sambilog imaw sa mga haeangdong bisita nga igapatigayon sa Barangay Caticlan Activity Center, Malay, Aklan.
Mag-eowas kara, pagapangunahan man it Bise Presidente ro selebrasyon it Batan Rural Improvement Club (BRIC) Rural Women’s Month nga igapatigayon sa JDL Memorial Complex, Barangay. Poblacion, Batan, Aklan.
May kaangtanan kara, todo-bantay ro mga kapulisan ag iba pang law enforcement agency sa entry ag exit point it probinsya para masiguro ro seguridad it daywang lider it nasyon.//
