VP Leni nakisimpatiya sa naulila it mga biktima it ‘Sulu bombing’

Kalibo Aklan ——-Nagpaabot it simpatiya si Vice President Leni Robredo sa naulilang pamilya it mga namatay sa insidente it pagsabog sa Jolo, Sulu nga natabo kahapon nga adlaw.

Sa sangka statement, ginpahayag it bise presidente nga makaalarma ro insidenteng sumabay sa ginapangatubang krisis it nasyon sa coronavirus disease (COVID-19).

Ginpasiguro ni VP Leni nga kabahin imaw it mga soldado, iba pang uniformed personnel ag mga residente it Jolo sa panawagang maangkon ro hustisya sa natabong krimen.

Sa ulihing datos it mga otoridad, nagaabot eon sa 15 ro numero it mga namatay nga soldado ag sibilyan sa natabong pagpasabog sa banwa it Jolo sa Sulu.