May mga proyekto sa gihapon si outgoing Vice-President Leni Robredo apisar nga indi eon raya magsueod pa makaron nga Huwebes sa anang taeatapan sa Quezon City bangud paga-okupahan eon raya ni incoming Vice President Sara Duterte-Carpio.
Suno sa pangaywang pangueo, pagataw-an man it atensiyon ro nagahilapit nga Hulyo 1 ag Hulyo 2 ro paglunsar it programang Angat Buhay.
Ginpahayag ni VP Leni nga ginhimu eon lang nanda nga simple ro paglunsar sa proyekto bangud nagatinaas sa gihapon ro may COVID cases.
Gin-amin man it outgoing vice president nga nakibot sanda bangud sa pagpatigayon it sign-up ag sa sueod eamang it 30 minuto hay maabu ro nagpalista para mag-volunters.
Kasunod kara ro paghalin it taeatapan it paea-abuton nga pangaywang pangueo sa volunteer center sa Katipunan, Quezon City.
Dugang pa ni Robredo nga ro pinakaunang pocus it programa nanda hay sa education ag health.
Bangud kara nagtaeana eon man sanda it Program Officer for Education, Program Officer for Health, ag program officer para sa disaster risk reduction.
