Nagpanindugan si Senator-Judge Raffy Tulfo nga dapat hay nag-divest eon kato pa man si Vice President Sara Duterte sa anang mga business interest kat magpungk raya sa pangaywang pinakamataas nga posisyon sa gobyerno.
Suno kay Tulfo, gin-ako sigon mismo ni Duterte sa sangka sworn document nga ginapanag-iyahan it anang asawang si Atty. Manases Carpio ro nasambit nga kumpanya.
Ginpaathag ni Tulfo nga kun uwa gindeklara ni Duterte ro pagpanag-iya, possible rayang maging istorya it non-declaration sa mga legal nga dokumento.
Samtang, kun gindeklara mat-a raya, ginhambae nana nga possible rayang magbukas it istorya sa Article VII, Section 13 it 1987 Constitution, nga nagabawae sa Pangueo, Bise Presidente ag mga miyembro it Gabinete nga mag-partisipar sa anumang negosyo samtang una sa puwesto.
Bangud kara, ginkwestyon ni Tulfo kun haman sigon uwa ginlaygayan si Duterte it anang mga legal adviser nga mag-divest it anang mga propyedad ag negosyo agud malikawan ro posibleng pageabag sa Saligang Batas.
