Nag-atubang si Vice President Sara Duterte sa Quezon City Regional Trial Court Branch 98 kainang alas-8:00 it agahon para sa arraignment angot it three counts it kasong grave threats, apang uwa nadayon ro pormal nga pagbasa it mga sakdal.
Nag-ugat ro mga kaso sa mga pahayag ni Duterte sa sangka online press conference ku Nobyembre 2024 angot sa pagbuoe sigon it hitman kontra kanday Pangueong Ferdinand Marcos Jr., First Lady Liza Araneta-Marcos ag dating House Speaker Martin Romualdez ingkaso imaw hay mapatay.
Ginpamalibaran man it Bise Presidente ro mga pasibangud.
Nauna ron nga ginpa-iway ro arraignment ku Setyembre 11.
Nagpiyansa si Duterte it ₱120,000 para sa kada kaso ku Setyembre 5 matapos magpaguwa it arrest warrant ro korte. Ro istorya hay kaibahan man sa mga basehan it impeachment complaint kontra kana sa Senado.
