Nakipagpueong si Vice President Sara Duterte kay Australian Deputy Prime Minister Richard Marles sa sangka courtesy call kahapon nga adlaw it Miyerkules.
Suno sa bise presidente nga si Deputy Prime Minister Marles hay ro Minister of defense man rason nga kaibahan sa andang gin-istoryahan hay ro kahaegahan it pagpa-umwad it nasyon.
Dugang pa ni Duterte sa andang naging pagpueong, ginpakigbahin nana nga sa anang ikaywang termino dati bilang alkalde, nahimu eon it Davao City ro Peace 911, sangka anti-terrorism plan nga naging yabe sa pagsamad sa komunistang rebeldeng grupo sa Paquibato District kung siin raya nagtukod it kuta.
Suno pa kana nga natun-an nana ro “gaining peace is relatively easy, sustaining peace is difficult” rason na kinahangean sigon ro padayon nga pakigbuylog it tanan nga sektor para mapabilin ro katawhayan.
Sa patag man it edukasyon, gintalakay it daywang state leaders ro importansya it edukasyon sa pag-umawad it nasyon.
Ginpahayag man kara nga ro Department of Education hay haom nga magtao it technical assistance sa Bangsamoro Autonomous Region in Muslim Mindanao ukon BARMM Ministry of Education para mapataas ro kalidad it mga estudyante sa lugar.
