NATIONAL News — Posible sigon nga nahadlok si Vice President Sara Duterte nga ipaguwa sa publiko ro anang bank records rason nga nagdihon imaw it petisyon sa Korte Suprema agud nga baeabagan ro impeachment trial sa Senado.
Suno kay House Senior Deputy Speaker ag Pampanga Rep. Aurelio Gonzales Jr. ro petisyong gindihon ni Duterte hay sangka pagpakita it kahadlok.
Ginpamilit pa ni Gonzales nga ro impeachment hay “sole prerogative of Congress,” base sa Konstitusyon.
Ginpahayag mat’a ni Deputy Speaker ag Quezon Rep. David Suarez nga nasunod ro legal nga proseso sa pagdihon it Articles of Impeachment.
Nagapati man si Suarez nga ro ginhimo ni Duterte hay indikasyon nga naga-panic eon raya.
Si Duterte hay na-impeach ko Pebrero 5 matapos nga magpirma sa impeachment complaint ro 215 nga kongresista, eampas sa ginakinahangean nga 102 ukon one-third it kabilugan nga numero it mga miyembro it Kamara.
