Gin-engganyo ni Manila 6th District Rep. Benny Abante si Vice President Sara Duterte nga tumestigo sa Kamara de Representantes ‘under oath’ ukon tumestigo it nakapanumpa.
Raya hay agud masabat it bise presidente ro tanan nga mga alegasyon kontra kana bangud nga ro House Justice Committee sigon ro tamang forum para kontrahon ro mga nasambit nga alegasyon.
Gin-insister ni Abante, uwa naila ro komite nga i-convict ro bise presidente ukon hambaeon nga imaw hay guilty ag sa baylo hay gusto eamang kara nga masayuran ro kamatuoran sa likod it mga alegasyong ginaeapog kontra kana.
Pagpasiguro it mamalidha nga pagapamatian nanda ro tanan nga mga pagahambaeon ni VP Sara ag pagataw-an man it kahigayunan nga maipaguwa ro anang bahin.
Mas makabulig man sigon raya para makapag-desisyon ro mga miyembro it justice panel sa pagtumod kon may probable cause sa mga reklamo.
