Gin-iba ni Vice President Sara Duterte sa anang listahan it mga testigo para sa nagahilapit nga impeachment trial ro pilang dating kritiko, kaibahan sanday dating Senador Antonio Trillanes IV ag Ramil Madriaga.
Sa pre-trial brief it depensa nga ginsumite ku Hunyo 15, tuyo it kampo it Bise Presidente nga pamatud-ang uwa it bastante nga ebidensya ro mga pasibangud sa Articles of Impeachment kontra kana.
Kaibahan man sa posibleng testigo ro mga opisyal halin sa nagkaeain-eain nga ahensya it gobyerno kapareho it Office of the Ombudsman, Office of the President, NBI, COA, DBM, Anti-Money Laundering Council, ag Philippine Statistics Authority, pati eon man ro mga forensic experts, accountants, notaries public, ag investigative journalists.
Ro impeachment case hay nakasentro sa mga alegasyon it mali nga paggamit it confidential funds, bukon it tama nga deklarasyon it yaman, uwa pagdeklara it negosyo, ag iba pang kaso it graft and corruption, kaibahan ro paeag sigon sa pilang opisyal it gobyerno.
Nauna eon nga ginhathat sa mga pagpamati sa Kamara ro mga report ag testimonya halin sa COA, NBI, ag AMLC nga may kaangtanan sa ginahambae nga iregularidad sa paggamit it pondo.
