Ginpakigbahin ni Vice President Sara Carpio Duterte ro naging eksperyensya kara tag tyempo nga imaw hay nagatuon pa.
Raya hay sa naging pagtambong nana sa ginpatigayon nga pagpasidungog sa Aklan’s Ten Outstanding Mentors 2023 sa ABL Sports Complex, Kalibo, Aklan.
Suno kana nga kung bukon it bangud sa anang naging english teacher nga nagpati sa anang abilidad hay indi man nana maisipan nga magsueod sa law school ag maging indibidwal kung sin-o man imaw makaron.
Ginpadumdum kara sa mga manugturo ro kahaegahan it pagiging mabuot ag maieintindihon sa mga estudyante.
Raya hay apisar sigon it nagakaeain-eain nga pamaagi sa pagdisiplina ag pagturo it mga manugturo sa mga pamanta-on.
Gintaw-an pagid kara it punto ro pagpatigayon it “extra effort” sa pagturo bangud sa makabig sigon nga “unique” ro kada estudyante nga andang masumaeang.
Kung mataeupangdan sigon hay iba eota makaron ro mga pamatan-on eabi eon gid ag maeapnagon eon ro impluwensya it social media ag teknolohiya.
Samtang, mag-eowas kara ginpaabot man it bise presidente ro anang pagsaludo sa mga manugturo nga padayon nga ginahimu ro andang trabaho sa pihak it nagakaeain-eain nga problema nga ginapangatubang it nasyon partikular sa sektor it edukasyon
