-- ADVERTISEMENT --

Uman nga ginbatikos ni Vice President Sara Duterte ro madaeum nga pagkaugat sigon it korapsyon sa gobyerno nga suno kana hay padayun nga nagapugong sa pag-umwad it nasyon ag sa pag-angkon it mas manami nga paeaabuton it mga Pilipino.

Sa anang Facebook post, ginpahayag it Bise Presidente nga medyu nakatanum eon sa sistema it gobyerno ro korapsyon, samtang ro mga ordinaryong pumueuyu ro padayun nga naga-antus sa mga epekto kara.

Ginbalikan man ni Duterte ro anang pagtambong sa 52nd Philippine Business Conference and Expo it Philippine Chamber of Commerce and Industry (PCCI) ko Oktubre.

Ginpamilit nana nga may saeabton ro kada pumueuyu sa pagsukoe sa korapsyon pinaagi sa pagsunod sa laye, pagpasakop sa demokrasya ag pagsukot sa saeabton halin sa mga nagadumaea.

Sa makaron hay presenteng nagapangatubang ro Bise Presidente sa impeachment proceedings sa Senado angot sa mga alegasyon it indi maipaathag nga mga manggad.

-- ADVERTISEMENT --

Base sa pag-usisa nga ginplastar it prosekusyon, ginaboeobanta nga kapin sa P817.87 milyon hasta P1.5 bilyon ro ginasugid nga unexplained wealth ag mga owa naideklarang propiyedad nga gina-angot sa Bise Presidente ag sa anang asawa.

Hugut man nga ginpamalibaran ni Duterte ag ko anang defense team ro mga alegasyon ag gin-kuwestiyon ro mga ebidensiyang gin-atubang kontra kana. Gin-insister man kara nga may eamod pamulitika ro mga reklamong ginpasaka kontra kana.