Nahuya si Vice President Sara Duterte sa pagkaeakot it Pilipinas sa regional drug trafficking.
Raya hay matapos masayuran nga Pilipinas ro destinasyon it bulto-bultong iligal nga droga nga igapadaea kunta halin sa Laos sakay it private jet.
Bangud kara hay nagapanawagan si Duterte sa gobyerno nga mas pa nga pabaskugon ro anti-drug operations agud nga malikawan ro uman nga pagtaas it paggamit it iligal nga droga ag adiksyon.
Sa press conference sa ika-91 anibersaryo it Office of the Vice President (OVP) sa Mandaluyong City, ginpahayag ni Duterte nga ro pinaka-ulihing insidente hay makahueuya para sa nasyon, partikular eon sa relasyon kara sa mga kaiping nga Southeast Asian nations.
Nagpasaeamat man imaw sa gobyermo it Laos ag Thailand sa andang anti-illegal drug operations nga suno kana hay nakabulig para maprotektahan ro pamilyang Filipino.
“Pero nagpapasalamat tayo, nagpapasalamat ako sa gobyerno ng Laos at ng Thailand dahil yung ginawa nilang anti-illegal drug operations doon sa kanilang bansa saved so many Filipino families”
