Posibleng magapangatubang si Vice President Sara Duterte sa multiple criminal charges mag-eowas pa sa disbarment complaint angot sa anang pagpamaeag sa kabuhi nanday Pangueong Ferdinand Marcos Jr. ag First Lady Araneta-Marcos ag House Speaker Martin Romualdez.
Suno kay Justice Secretary Margarita Gutierrez, base sa andang legal experts, posibleng pasakaan it kaso ro Bise Presidente it libel, defamation ag grave threats bangud sa anang mga pagpamaeag.
Ginatun-an eon man sigon makaron ro pagpasaka it disbarment kontra sa bise presidente nga sangka abogado bangud sa makabig sigon nga unethical ro anang mga pagpamaeag.
Ginpasiguro it DOJ official nga insigidang igapaaresto ro assassin sa oras nga matumod eon it mga imbestigador.
Angot kara, ginmanduan it DOJ ro NBI nga gamiton ro tanan nga available resources agud matumod ro mga posibleng suspek sa assassination plot nga ginpahayag ni Vice President Sara.
