Naglunsar it maeaparan nga kilos protesta halin sa nagkaeain-eain nga nasyon bilang pagdumdom sa sang dag-on nga pag-atake it Hamas sa Israel.
Maabo nga mga protesters ro nag-adto sa karsada it Barcelona, Jakarta, Sydney ag iba pa para kondinahon ro pagkamatay it magsobra 1,200 nga katawo sa Israel.
Base abi sa pilang opisyal it United Nations nga ro nasambit nga giyera sa tunga it Israel ag Hamas hay nakapatay eun it magsobra 40,000 nga katawo.
Nagpanguna man ro Santo Papa sa pagpangamuyo sa mga namatay nga biktima nga ginhimo kara sa Basilica of Saint Mary Major.
Ro mga pumueoyo man it Israel hay naghimo it prayer vigil sa lugar kun siin ginhiwat ro Nova Music Festival site.
Kaibahan nga nag-adto sa nasambit nga lugar ro mga kapamilya it mga namatay nga biktima.
