KALIBO, Aklan–KALIBO, Aklan–Waea-tuo makaron ro ginapatigayun nga hub-eag protesta it maabu nga indibidwal ag grupo sa Amerika matapos nga bue-on ro constitutional right it mga kababayin-an angot sa abortion.
Suno kay Bombo International Correspondent Greg Aguilar it California, USA nga tunga ro reaksyon it mga pumueoyo bangud may pila nga nagapabor ag may una man nga owa nagpabor sa nasambit nga desisyon it Supreme Court.
Nasayuran nga nag-umpisa eon nga magsarado ro mga klinika sa pilang estado sa Amerika matapos magguwa ro desisyon.
Ginaeauman nga masobra katunga it mga estado ro maga-umpisa it mga bag-ong paghugut ukon pagbawae pagkatapos nga baliskaron it korte ro 50 anyos nga Roe vs Wade decision.
Raya hay sangka importanteng desisyon it Korte Suprema it Amerika kung siin gina-protektahan it Konstitusyon ro kahilwayan it sangka nabdos nga magpili kung magapa-abort ukon indi.
