KALIBO, Aklan—Sa daywang ka mga person’s under investigation ukon PUI’s nga presenteng una sa Aklan training center hay sambilog eon kara ro nag negatibo sa 2019 coronavirus disease ukon COVID-19 rason nga pwede eon imaw makauli samtang ro sambilog hay pending gihapon ro resulta.
Ro Aklan suno kay Provincial Health Officer I Dr. Cornelio Cuatchon it PHO-Aklan hay may nabilin eon lang nga 84 mga indibidwal nga mga ginakabig nga Person’s Under Monitoring ukon PUM’s.
Suno pa kana, ro banwa it Lezo, Balete, Malinao, Madalag, Nabas, New Washington, Tangalan ag Buruanga hay uwa eon it mga PUM’s.
Sa makaron sigon hay ginahueat eon lang nanda ro resulta it 36 ka mga swab samples nga ginpadaea sa Western Visayas Medical Center ukon WVMC.
Samtang, makaron nga adlaw hay magapatigayon it conference ro provincial inter agency task force against COVID-19 kon sa siin ro sambilog sa andang posibleng pagatalakayon hay ro naga-iral nga enhanced community quarantine sa bilog nga probinsya it Aklan.
