Nagahilapit eon ro final stages it FIFA world cup 2022 sa Qatar.
Suno kay jaimer dela cruz, sangka football analysts ag commentator nga kapareho sa pagsabak it 32 nga teams para sa andang adventure sa world cup, ginaaeauman nga magiging exciting ro hampang it waeo nga teams nga nabilin pagkatapos it ginpatigayon nga round of 16.
Samtang nagapatapos sigon ro event hay maabu nga mga sorpresa sa resulta it hampang bangud sa hugut nga kompetisyon nga ginapakita ro mga nagapangunang koponan.
Magiging kaabang-abang suno kana ro pag-atubang it Croatia ag Brazil kamana man ro Netherlands ag Argentina sa pag-umpisa it quarter-finals sa Biyernes , disyembre 9.
Mag-eowas kara, ginaeauman nga magiging hugut man ro kompetisyon sa tunga it Morocco ag Portugal kamana man ro England ag France sa sabado.
Ro semi final matches it tournament hay pagahiwaton sa disyembre 14 ag 15.
Ro nasambit nga waeo nga teams ro may kahigayunan nga maka abot sa finals nga pagahiwaton sa disyembre 18 sa Lusail Stadium
