Nadismissed ro petististyon nga wage hike sa bilog nga Western Visayas.
Suno kay Elmer Forro it Bayan Panay, nga sambilog man sa nagpasaka it nasmabit nga petisyon kaibahan ro United Labor Group, ro naging basehan sigon it Regional Tripartite Wages and Productivity Board (RTWPB) hay ro kakueangan sa substansya ag legalidad, dugang pa ro ginahambae nga uwa sigon SEC Registration ro mga petitioners it nasambit nga proposisyon.
Ginpunto ni Forro nga raya hay pang-ap’at nga dag-on eon nandang pagpasaka it petisyon, ag ro nagtaliwan nga tatlong dag-on hay ginkilaea man ro United Labor group.
Mahambae sigon nana nga naga-usoy eamang it alibi ro mga raya para punggan ro pagtaas it sweldo it mga trabahador.
Ginpakita sigon it RTWPB ro andang pagka-inutil nga sabaton raya bangud nga kun sa minutod eang suno kana, indi eon dapat sanda mag-hueat nga may magpasaka it petisyon angot kara bangud nga sanda mismo hay sayod nanda ro epekto it krisis nga ginapangatubang it mga pumeuyo.
Paathag pa nana, nga madasig eon ro pagtaas it inflation rate, kun sa siin haeos doble eon ro ginataas kara kaya dapat sanda eon mismo ro magkusa nga magpataas it sweldo.
Ro anda sigon nga masunod nga tikang nga pagahimuon hay ro pagpasugot sa mga lokal unions it united labor nga mag-apela it kaparehong petisyon, samtang padayon sa gihapon nandang paga-kwestyunon ro naging basehan ag rason it RTWPB sa pagdimissed it presenteng petisyon.
