NATIONAL News — Ro mga estudyante sa public elementary ag secondary schools hay nakataeanang makaangkon it limang adlaw nga pahuway nga maga-umpisa sa Enero 24 hasta 30, 2025.
Suno sa DepEd Order no. 32 series of 2023 ukon ro Implementing Guidelines on the School Calendar and Activities for the School Year 2023-2024, ro mid-year break para sa makaron nga dag-on hay nakataeana sa Jan. 24 hasta 26 (Miyerkules hasta Biyernes ag sa Jan. 29 hasta 30 (Lunes ag Martes).
Magabalik ro mga klase sa Enero 31 (Miyerkules), nga magiging senyales it pag-umpisa it Academic Quarter 3 ukon Second Semester.
Samtang, ginpahayag it DepEd nga ro dag-unan nga limang adlaw nga pahuway hay nakataeana para sa pagpatigayon it Mid-Year Performance Review and Evaluation at School-Based In-Service Training (INSET) para sa mga manugturo.
Ginpahayag it DepEd, ro unang daywang adlaw hay igataeana para sa evaluation it school’s progress sa pagpatuman it educational programs, projects, and activities kamana man sa pag-review sa performance it mga manugturo ag school staff agud nga masabat ro mga concerns pinaagi sa cooperative effort.
Dugang pa nga ro nabilin nga tatlong adlaw hay para sa pagpatigayon it school-based INSET activities para sa mga manugturo ag pagpahaum it mga instructional materials.
