Nakaguwa eon si dating Akbayan representative ag vice presidential candidate Walden Bello.
Raya hay matapos nga magbayad imaw it piyansa nga nagakahaega it P96,000.
Suno sa anang staff nga si Leomar Doctolero nga nagbayad si Bello it tig P48,000 para sa libel ag cyber libel case.
Naaresto si Bello banud sa nasambit nga kaso nga ginpasaka ni dating Davao City Information Officer Jefry Tupas nga nagtrabaho sa idaeom ni Vice President Sara Duterte Carpio tag raya hay alkalde pa it Davao City.
Gin-akusahan sigon ni Bello si Tupas nga eakot raya sa iligal nga droga bangud idto sigon ro Davao City information officer tag nagpatigayon it anti-illegal drugs ro mga otoridad.
Madumduman ngna gin-aresto si Bello ko nagtaliwan nga adlaw it Lunes it hapon nga unang dinaea sa Quezon City Police District ag ginhalin sa Camp Karingal.
