KALIBO, Aklan — Arestado ro sangka 51-anyos nga immigration officer nga nakataeana sa Kalibo International Airport (KIA) bangud sa kasong kidnapping ag extortion sa daywang Taiwanese nationals sa Subic ku Hunyo 5, 2005.
Kaeakip sa kaso ro tatlong intelligence agents ag sambilog pang empleyado it Bureau of Immigration.
Ro akusado hay gin kilaeang si Amando Talatala Jr., residente it Roxas Avenue Ext., Andagao, Kalibo, Aklan.
Gin pangunahan it mga operatiba it Anti-Kidnapping Group maghalin sa Kampo Krame ro pagserbe it warrant of arrest kana matapos nga makipag-angot sa Kalibo Police Station.
Ro warrant of arrest hay pirmado ni Hon. Edilberto Calabal, Presiding Judge it RTC Baguio City First Judicial Region Branch 60.
Sa kustodiya it mga otoridad si Talatala ag nakataeanang iturn-over sa natungdan nga korte.
