Kalibo Aklan ——-Sangka wanted person ro natigayon nga naaresto it mga otoridad sa Zone 1, Sitio Diniwid, Brgy. Balabag sa Isla it Boracay.
Ginkilaea ro akusadong si Danilo Cabrera y Pacelo, 68-anyos ag tumandok it Tarlac, Manila.
Si Cabrera hay gin-aresto it Malay PNP pinaagi sa gahum it warrant of arrest sa kasong Reckless Imprudence Resulting to Serious Physical Injury nga may criminal case number 1965-M nga ginpaguwa ag ginpirmahan ni Hon. Maribel D. Daguia-Cipriano Santillan, presiding judge it 5th Municipal Circuit Trial court 6th Judicial Region Buruanga-Malay nga may petsang Nobyembre 27,2019.
Kapin sa P12,000 pesos ro gintaeana nga pyansa it korte para sa temporaryong kahilwayan it nasambit nga akusadong presenteng nakahunong sa Malay Police Station para sa nagakaigong disposisyon.
